Napapailing na lamang si Elena.
Mukhang siya ang bisita sa bahay nila. Nilingon niya ang binata sa gilid niya na tumatawa. Feeling close na agad ito sa pamilya niya kahit unang araw pa lang nito. Bago sila umuwi ay bumili muna ito ng maraming tinapay para sa mga kapatid niya. Tuwang-tuwa ang mga ito sa pasalubong na dala.
"Ang galing naman. Ano naman ang 15 divided by 3?" Tanong nito habang nagpiprito ng manok. Fried chicken ang ulam nila ngayong gabi at excited na ang mga kapatid niya. Nakaharap ito sa abuhan nila at siya naman ay naghuhugas ng mga baso at plato na ginamit nila sa pagkain ng tinapay.
Sila lang ang nasa bahay. Ang nanay at tatay niya ay nasa hospital pa rin at mukhang matatagalan pa doon. "Bakit may dala kang laptop?" Mahina niyang bulong sa binata.
"I always bring
