Napapangiti si Elena habang nanonood sa mga batang nagtatakbuhan sa parke. May mga aso rin sa kabilang dako na naglalaro at parang may sariling mundo. Sa mapunong parte ay naroon ang mga magkasintahang nagdedate. Kung titingnan ay parang walang kaproble-problema sa mundong ito pero alam niyang sa loob-loob ng mga taong ito ay ang mga pagsubok na kinakaharap.
Nakasuot lamang siya ng polo shirt ng department nila at pinarisan ng black pants. Isang oras na siyang naghihintay ngunit mukhang hindi na sisipot ang matandang abogado. Mabuti na lang at hapon pa ang pangalawang klase niya. Kailangan niya pang bumyahe ng sampung minuto papuntang St. Claire.
'Ten minutes pa, Elena. Maghintay ka pa. Darating din si Sir Greg.' Bulong niya sa sarili.
Habang naghihintay sa bench sa lilim ng puno ay
