Apat na araw ulit ang dumaan at balik na naman si Mardy sa mga raket niya. Nasa tindahan siya ni aling bebot dahil maniningil siya ng pautang sa mga avon products na tinda niya. May dala siyang isang malaking supot na may lamang panty, bra cologne at perfume para kung sakaling may bumili at mangutang.
"Aling Bebot, singilan na!" ani Mardy na nakaupo sa labas ng tindahan nito. May dalawang babae itong ka marites na may utang din sa kanya kay mas mabilis siyang makakapaningil.
"Oh ayan! Paid na ako sayo ah." anito na may kasama pang irap.
"Aba! Himala..Mapera ho kayo ngayon ah." Aniyang mabilis pa sa alas kwatro na hinawakan ang one thousand piso bill na binigay ni aling Bebot."
"Nagbigay yong bago kong boarders! Galante nga eh!" pangisi-ngisi nitong turan.
Kumunot naman ang kanyang
