Pagkatapos ng pag-uusap nila ni Gunter ay tila nagkaroon ng tensyon ang pagitan nila. Nakakabigla talaga minsan ang mga salitang lumalabas sa bibig ng lalaki dahil wala naman iyon sa usapan nila. Ang gusto yata nito ay tuluyan na siyang gawing querida kung sakiling dumating na ang totoong asawa nito.
Hindi naman niya pwedeng hindi iyon isaalang-alang. Dahil kahit ilang beses niyang aminin sa sarili na mahal niya ang lalaki ay matatalili parin siyang walang puwang sa buhay nito.
Sa gabing iyon ay nakatulog siyang mag-isa sa sa kama. Hindi niya alam kung dumating na ba ang lalaki dahil simula nang iwan siya nito kanina sa garden ay hindi na ito bumalik. Anim na oras na yata ang lumipas at alas 10 na ngayon ng gabi. Kanina pa tulog si Harry at tinabihan pa niya ang bata bago iwan sa sarili
