"Anong sabi nila mommy sa ‘yo?" curious na tanong ni Jewel habang inaayos ang mesa sa kusina kasama si Kulas. Hindi rin naman niya kasi narinig nang sabihin ng mga magulang niya ang pakay sa binata.
Paano'y inutusan siya nitong gumawa ng kape matapos nilang kumain. Alam ng mga magulang niya na mabagal siyang gumawa ng kape at ano man ang pakay ng mga ito sa binata ay tiyak na tapos na bago pa siya makabalik. Ganoon siya kabagal. Pero hindi niya lang naman talaga hilig ang mga gawaing bahay. Pero sabi ng mommy niya na dapat ay matuto siya para ‘pag nag-asawa na siya ay hindi siya mapapahiya sa mapapangasawa niya.
"Ha?" napapakamot sa ulo na balik naman ng tanong ni Kulas. Hindi niya kasi alam ang isasagot sa kaibigan.
"Don't tell me iyon na naman ang topic niyo?" napahalukipkip na saad n
