Halos mag-aalas kwatro na nang madaling araw ay hindi pa rin makatulog si Jewel. Pagod na siya sa paulit-ulit na nangyayari sa buhay niya. Wala siyang sariling desisyon. Kailan ba siya mabibigyan ng pagkakataong pumili? Hindi na niya namalayan kung hanggang anong oras siya nakatulog basta ang alam niya ay bakasyon pa rin siya after ng party.
"Jewel, gising na..." patuloy na pagyugyog ni Oli sa anak. Sa totoo ay gising na siya. Pero ayaw niya munang kausapin ang Ina. Nasu-suffocate na siya sa mga nangyayari at hindi niya kayang harapin ang mga magulang. Pero may choice ba siya?
"Hija, I know you're awake... Your dad and I want to talk to you. And Nicholas is here..." saad ng Ina na alam niyang naririnig siya ni Jewel. At hindi nga siya nagkamali. Agad na bumalikwas nang bangon ang dalaga.
