Ysabelle Cuevas (Ysa)
Ramdam ko ang pangingirot ng aking tiyan bago ko unti-unting idilat ang aking mga mata. Parang may mabigat na nakasabit sa loob ko—isang kirot na hindi naman matalim, pero sapat para pigilan ang maayos na paghinga ko. Napapangiwi ako habang pilit na binubuksan ang aking mga mata, pakiramdam ko’y ang bigat-bigat ng talukap ko.
Puting kisame ang unang bumungad sa’kin. Malinis, maliwanag, sobrang liwanag na wala akong ibang makita kundi puti. Saglit kong naisip, patay na ba ako? Pero agad iyong napalitan nang sumingaw sa ilong ko ang pamilyar na amoy ng antiseptic, gamot, at malamig na hangin ng aircon.
Hospital…
Napakunot ang noo ko.
Bakit ako nandito?
Ano ang nangyari? Bakit masakit ang tiyan ko? Bakit pakiramdam ko parang lumusong ako sa sobrang layo, tumakbo na
