Hindi pa rin nawawala ang galit sa mukha ni mama habang nakatitig kay Macky. Ano nga ba ang puno’t dulo ng galit nyang iyon? Wala namang ipinakitang masama si Macky sa kanya.
“Pagkatapos mong kumain ay makakaalis kana!” mataray na sabi ni Mama sa kanya.
Tumayo na si mama at bumalik muli ng kusina. Lahat kami ay sinundan sya ng tingin. Lahat kami ay nagtataka kung bakit ganun na lang ang reaksyon ni Mama kay Macky.
Napalunok ako at parang natatakot na sa ipinapakita ng nanay namin.
“Ayos lang yan Macky, baka pagod lang si Mama. Wag mo nang pansinin ha. Salamat pala sa pizza.” malambing na sabi ni ate Liza.
Si ate talaga ang laging nariyan para ipadama na walang dapat ipag-alala.
Tumango lang si Macky at maging sya ay ikinagulat ang malamig na pakikitungo sa kanya ni mama.
“Okay
