Hindi alam ni Chesca kung gaano katagal sila sa ganoong posisyon. Narinig niya na lang ang malakas na palakpak ni Jacob sa tabi niya.
“Whoah! You have an amazing voice Dad!” humahangang turan nito. Nakangiti namang sinulyapan ito ni Leandro.
“May talent ka rin pala, Sir!” sabay namang saad nina Ana at Caren. Tila kinikilig pa ang mga ito habang sinasabi iyon.
Napatawa ang lahat. Hindi talaga nawawalan ng bala ang dalawang ito sa pagpapasaya. Maging si Chesca na lumikha ng sariling mundo kanina ay natawa din. Ipinagpapasalamat niyang naririto ang mga ito kundi baka ipinahiya na niya ang sarili sa harap ni Leandro.
Tuloy-tuloy pa ang kasiyahan hanggang sa lumalim ang gabi. Isa-isa ng nagpaalam ang mga bata kay Leandro na magpapahinga na. Nauna si Alejandro na sinundan nina Enrico at Ja
