“Doc, Buntis ba ako?” umaasang tanong ni Danica sa doktora.
Nasa loob si Danica ng opisina ng kanyang doktora. Kakatapos lamang ng mga test na ginawa sa kanya para malaman kung nagdadalang-tao siya. Ilang araw nang masama ang pakiramdam niya. Nakakaramdam siya ng pagkahilo lalo na sa umaga at may kasama pang pagsusuka na hindi niya maintindihan kung bakit niya nararanasan. Nagtataka na siya at pati na rin sila Rex at Rosie dahil sa madalas na pagkahilo niya.
Ngumiti nang maliit ang doktora habang tinitingnan ng diretso si Danica.
“Doc, may problema ba?” tanong ni Danica. Kinakabahan siya sa magiging sagot ng doktora sa kanya. “Hindi ba ako buntis? Mali ba ko ng hinala?” magkasunod na tanong niya pa.
Huminga nang malalim ang doktora. “Based on the results, you’re not pregnant,” aniya
