“Kumusta ang unang araw sa trabaho?” tanong ni Dennise sa kaharap na si Angelo. Nasa loob sila ng kwarto nila at kasalukuyang tinatanggal ng una ang pagkakabutones ng polo ng huli.
Ngumiti si Angelo. “Okay lang naman. Unang araw, may unang problemang dapat lutasin,” wika niya na ikinakunot ng noo at nagpataas sa kanang kilay ni Dennise.
“Problema? Ano?” nagtatakang tanong ni Dennise.
Bahagyang ningitian ni Angelo si Dennise. “Nalaman kasi namin na buwan-buwan ay may malaking pera na nawawala at hindi namin matukoy kung saan napupunta. Hinala ko, may mga tao sa kumpanya ang nananabotahe at kumukuha ng pera,” sagot ni Angelo na ikinagulat ni Dennise. “Hindi lang sa gobyerno laganap ang kurapsyon kundi pati na rin sa kumpanya niyo,” dagdag pa ni Angelo.
“Really? Bakit hindi namin alam ni
