“Mukhang napapadalas ang pagpunta mo rito. May trabaho ka, ‘di ba?” tanong ni Rexon kay Angelo habang naka-dekwatrong nakaupo ito sa single sofa.
Si Angelo naman ay nakaupo sa mahabang sofa. Nasa living room silang dalawa ng mansyon. Hindi inaasahan ni Angelo ang biglaang pagdating ni Rexon at naupo sa sofa saka siya kinausap. Iniwan muna siya sandali ni Dennise para pumunta sa kusina at maghanda ng makakain ni Angelo.
Bahagyang ningitian ni Angelo si Rex. “Uhm… Pinapunta kasi ako rito ni Dennise. Saka, mamayang gabi pa naman ang trabaho ko,” aniya.
Tumango-tango lang si Rex. Napansin naman ni Angelo ang pagbabago sa ekspresyon ng mukha ni Rex, kumunot ang noo nito at nagsalubong pa ang kilay.
“Magkasintahan na kayo ng kapatid ko, ‘di ba?” seryosong tanong ni Rex.
Tumango-tango si A
