Alas-nuwebe ng umaga nang lumabas si Sophie mula sa bahay nya para puntahan si Leonhart sa bahay nito. Gusto nya itong makausap at balak na nyang sabihin dito ang lahat ngayon. Gusto na nyang ipaalam kay Leonhart ang tungkol sa sakit nya at ang tungkol sa batang dinadala nya. Medyo kinakabahan sya habang papalapit ng papalapit sa mismong bahay nito. Nagpakawala sya ng isang malalim na buntong hininga nang itulak nya ang gate ng bahay nito. Bukas kasi iyon at nakaawang, ganoon din ang pintuan sa loob.
Bahagya syang napatigil at nagtaka dahil tila may boses ng mga taong nag-uusap sa loob at hindi lang boses ng isang tao ang naririnig nya kundi marami.
May mga bisita kaya si Leonhart sa loob? Mukhang hindi naman iyon boses nila Draco.
Bahagya syang sumilip sa pintuang nakaawang at doon ay
