Pagod na ibinagsak ni Sophie ang kanyang katawan sa malambot na upuan mula sa sala ng bahay ni Zach. Kauuwi lang nilang lahat galing sa gala. Medyo napagod sya sa dami ng nilibutan nila kanina. Pakiramdam nya ay nahahapo sya.
Napansin iyon ni Leonhart kaya nag-aalala itong tumingin sa kanya.
"Ayos ka lang ba?" tanong nito at tumabi sa kanya.
"Ayos lang ako. Medyo napagod lang siguro saka naninibago sa klima," sagot nya kay Leonhart.
Sila Zach din ay biglang nag-alala sa kanya dahil tila namumutla daw sya.
"Sophie, ayos ka lang ba talaga? Timplahan mo kaya sya ng mainit na gatas bro," suhestiyon nito kay Leonhart. Mabilis naman na sumunod kay Zach ang nag-aalalang si Leonhart. Nagtungo ito sa kitchen ng bahay at naghalungkat ito doon. Nagpainit muna ito ng tubig at pagkatapos ay tinimp
