"Shot! Inom pa, guys! Bakit ang tahimik ninyo?" ang tipsy kong aya sa aking mga kaibigan at diretsong ininom ang laman ng hawak na baso.
Isang linggo. Isang linggo na ang nakararaan mula nang 'maghiwalay' kami ni Soren Kai. Isang linggo matapos naming pasakitan ang isa't-isa. Isang linggong hindi ko na siya nakakausap at nakikita man lamang kahit sa malayo.
Para bang wala na siya. Para bang bumalik na siya sa Saudi. Parang bumalik kami sa panahon na nakalimutan namin ang isa't-isa at abala sa kaniya-kaniyang buhay.
It's like he was never there.
Miss ko na siya. Miss na miss ko na ang pang-aasar niya sa akin. Miss na miss ko na ang mga kagaguhan niya. Miss na miss ko na ang mga kababalaghang ginagawa namin. Miss ko ang lahat sa kaniya.
Pero mukhang hanggang dito na lang talaga dah
