Kasalukuyan kaming lulan ng family car nila Soren Kai pero halata ang pagmamarakulyo niya. Halos magdikit na ang mga kilay niya at halos humaba na ang nguso niyang parang bata habang nagmamaneho. Bukod pala sa pagmo-motor ay alam din niyang magmaneho. Pero hindi raw siya fan ng kotse dahil mas mabilis at convenient pa rin daw ang mga motor.
Bakit nga ba siya nagmamarakulyo? Dahil hindi ako p'wedeng mawala ng higit sa dalawang araw sa trabaho. Hindi uubra ang madaliang pag-file ng leave sa trabaho kaya naman ang eroplano niyang minimithi ay hindi mangyayari. Kaya heto kami ngayon at papunta sa Sagada kung saan namin napagkasunduang mag-overnight. Sa totoo kasi niyan ay hindi pa talaga ako nakapunta sa Sagada at mula nang mapanuod ko ang movie ni JM at Angelica ay ninais ko na itong puntah
