“Aba, ang bisita pa talaga ang nagsilbi sa inyo?” Kumunot ang mukha ni Larry sa nalaman.
“We insisted, nasanay kasi ito si Dr. Ruiz na siya ang naghahanda ng pagkain niya sa bunkhouse.” Nakangiti si Roman kay Larry, na nagpapahiwatig na huwag na pagalitan ang katiwala.
“Sayang pala, dapat inagahan ko para nakatikim ako sa tapsilog.”
Sumikat na ang haring araw at ang mga hamog sa mga dahon ay unti-unti ng nangawala. Naamoy ni Eliza ang pamilyar na bangong iyon. Katulad din ng kinalakhang lugar kung saan ang pangunahing ikinabubuhay ng mga tao ay ang paghahayupan at pagtatanim.
Una nilang pinuntahan ang feedlot. Nag-uumpisa ng maglagay ng mga pakain ang mga tauhan sa feeding pen. Napansin ni Eliza na masyadong mahaba iyon.
“Sir Larry, bakit masyadong mahaba ang mga pens?” tanong ni Eliz
