CHAPTER 15
Matagal
Sa sumunod na nagdaang linggo, wala yatang araw na hindi ko inabangang gawin ulit akong sub ni Ate Budang sa paglalaba niya sa bahay nina Jinx. Kaso, nalaman kong hindi naman pala siya araw-araw naglalaba ro’n. Gustong-gusto ko kasi talaga na makita’t makausap ulit si Jinx!
Ilang beses ko yatang pinaulit-ulit sa utak ko ang mga nangyari noong nagkita ulit kami. Hindi nagbabago ang reaksyon ko. Kinikilig pa rin ako lalo na sa tuwing naaalala ko ‘yong linya niya.
“Gusto kong makausap ka ulit araw-araw.”
Hay naku, Jinx. Ako rin. Kung alam mo lang!
Napabuntonghininga na lang ako.
Nakakainip talaga ang bawat oras kapag naghihintay ka.
“Okay na ba si Dijhane?” tanong ko na lang kay Badong na siyang kasama ko na naman ngayon para maghanap-buhay. Kah
