Tulala ako ngayon sa cafeteria habang iniisip ang nangyari kanina sa room.
Kasama ko ngayon sina Ysa, Lorein at Katherine. Palapit na rin sa amin si Vien dahil nalate siya ng order. Nag-ayos na rin kasi kami ng mga upuan para sa gaganaping exam bukas.
“Ano naman naisipan mo Isabelle Jaydon?” tanong ni Vien matapos umupo sa tabi ni Ysa.
Walang gana ko lang siyang tinignan. Wala ako sa mood magpaliwanag sa kanila. Binuksan ko na yung binili kong tuna pie at nova. Hindi na lang kumibo pa yung iba.Siguro ay nakaramdam na sila ng katahimikan kaya tumikhim si Katherine.
“Guys, goodluck sa exam,” masayang pag-iiba niya ng usapan.
Grade 12 na kami ngayon. Wala na bumanggit pa sa mangyayaring ranking. Inaasahan na rin ng lahat ngunit ayaw kong banggitin nila, sadyang hindi ko lang gustong it
