"Goodmorming Ma'am!"
Bati sa akin ng halos lahat ng empleyado dito sa kumpanya ni Daddy na ngayon ay kumpanya ko na. Natatandaan ko pa noon. Sila yung mga kung makatingin ay parang may ginawa akong masama sa elevator. Inuusig na nila ako kahit hindi pa naman nila alam ang katotohanan.
May ibang bumabati at may ibang nagbubulungan na parang hindi ako nakikita. Dumiretso ako sa private elevator ko at doon sumakay diretso sa pinakatuktok nitong building. Ang 25th floor. Habang pataas ang elevator ay panay ang tingin ko sa orasan.
Nang bumukas ang elevator ay agad akong lumabas at pumasok na sa opisina ko. Pero natigilan ako ng makita ko si Terrence na prenteng nakaupo sa sofa at may hawak na magazine ng mga babaeng nakahubad.
"What are you doing here at my office!" gigil na tanong ko.
