Nakatulog na ako at nagising pero mas lalo pa yatang lumakas ang ulan at hangin. Bumangon ako at isinarado ang bintana dahil halos matanggal ang kurtina ng kwarto ko sa lakas ng hangin. Hindi pa naman ako gumamit ng aircon dahil malamig naman kanina at mas masarap kapag fresh na hangin ang aking nalalanghap.
Muli akong humiga at binalot ko ng kumot ang aking katawan ng naalala ko bigla si Kier na nasa library ni Daddy! Malamang ay hindi pa rin siya nakakauwi hanggang ngayon. Bumangon ako at kinuha ko kaagad ang roba ko at isinuot dahil nanunuot sa katawan ko ang lamig. Pagkasuot ko niyon ay lumabas ako ng kwarto at dumiretso ako sa library ni Daddy kung saan naroroon si Kier.
Pagbukas ko ng pinto ay nakita ko syang namamaluktot sa sofa dahil sa lamig. Nakaramdam naman ako ng awa. Nakali
