Hahawakan sana ako ni Henry sa balikat pero biglang may humila sa braso ko palayo kay Henry. Umikot ang katawan ko at nauntog ako sa matipunong dibdib. Tiningnan ko ito at nakita kong si Sir Kier pala ang humila sa akin. "Well, wala namang iba."
Masama ang tingin nito kay Henry sa hindi ko malaman na dahilan. Aalis sana ako sa pagkakahawak sa akin ni Sir Kier dahil kung titingnan ay para na kaming magkayakap pero agad nitong pinigilan ang katawan ko. Nakahawak na siya ngayon sa likuran ko.
"Henry, go to your room," utos ni Sir Kier kay Henry. Tumingin muna sa akin si Henry. Kita ko sa gilid ng mga mata ko ang iniwan nitong ngisi bago tumalikod. Bakit kaya ang weird niya ngayon? Hindi naman siya ganyan kanina nung umalis siya. Nagkaproblema kaya siya sa pinuntahan niya?
Si Sir Kier na an
