Kinaumagahan ay maaga akong nagising. Alas kwatro pa lang ng madaling araw ay bumangon na ako dahil sa sobrang excited ko sa pag eenroll. Naglinis na agad at nagluto para naman lalo pang matuwa sa akin si Sir Kier. Ipinagluto ko ito ng sinangag, tocino, hotdog at sunny side up egg. Ipinagtimpla ko na rin ito ng paborito nitong coffee without sugar sa umaga para bago kami umalis ni Henry ay makapag almusal muna ito bago pumasok sa kanyang opisina.
Alas sais na nang makatapos ako sa lahat ng gawain. Inilagay ko ng maayos sa isang stainless na tray ang mga pagkain saka ko maingat na binitbit paitaas ng hagdan patungo sa kwarto ni Sir Kier. Nang nasa may pintuan na ako ay ibinaba ko muna iyon sa lapag bago kumatok sa pintuan ng tatlong beses.
"Sir Kier, Si Aki po ito," Inilapat ko pa ng bah
