Nakapamulsa ang mga kamay habang nakatayo si Thunder sa rooftop ng building ng kumpanya. Pinagmamasdan niya ang papalubog na araw.
Maya-maya ay nilanghap ni Thunder ang umiihip na malamig na hangin. May naalala siya at ito ‘yung panahon na nasa park sila ni Austin at sabay rin nilang pinagmamasdan ang papalubog na araw.
Wala namang kamalay-malay si Thunder na pumunta rin si Austin sa rooftop ng building. Tumingin-tingin ito sa paligid at sumilay ang ngiti sa labi niya ng makita si Thunder.
“Nandito ka lang pala. Kanina ko pa kayo hinahanap,” wika ni Austin. Tinabihan niya si Thunder sa pagtayo.
Tumingin naman si Thunder sa kanya. Kumunot ang noo nito saka sumeryoso ang mukha. “Bakit mo ako hinahanap?” malamig na tanong niya pa.
“May tumawag po kasi kanina. Si Mr. Rodriguez at nagpapa-
