MATAPOS mag-ikot sa plantasyon ng sugar cane at kape ay nagtungo si Ndrew sa outdoor kitchen na malapit lamang din doon sa plantasyon. Katabi niyon ang malaking kubo kung saan kumakain at nagpapahinga ang mga tauhan doon.
Bumaba siya kay Abilo nang sapitin niya ang outdoor kitchen. "Kumusta si Elaina?" kaagad niyang tanong kay Carlina pagbungad pa lamang. Ibinilin niya rito ang dalaga kanina bago siya umalis ng maaga.
Abala si Carlina sa paghahanda ng pagkain na dadalahin sa prutasan at sa rancho, katulong nito si Elvira. Mas higit na malayo ang bahaging iyon kaysa rito sa plantasyon ng kape at tubo.
Pagod na ang mga farmers at ranchers kaya naman ayaw na niyang madagdagan pa ang pagod ng mga ito papunta rito para lang makapananghalian. Kaya naman gamit ang kalabaw at paragos ay inih
