"KASALANAN mo 'to, Ndrew. Pati ako nadamay sa 'yo, buwisit!" pigil ang boses sa inis na paninisi sa kaniya ni Gray bago ika-ikang lumakad palayo sa kanal.
Inihinto niya ang ginagawang pagpapagpag ng mga kumapit na lusak sa kaniyang mga braso at tiningnan ito ng matalim.
"Kasalanan mo," pigil din ang boses na sabi niya. "Kase kung umpisa pa lang—"
"Okay!" paasik na putol nito sa kaniya. "Ako na ang may kasalanan. Panalo ka na. Masaya ka na ba, ha?"
"Bakit parang galit ka?" nang-aasar pang tanong niya kay Gray.
Napabuga ito ng hangin habang pinapagpagan ang sarili.
"Fvck you! Ang baho mo, Ndrew,” pang-aasar din nito sa kaniya.
"Mas mabaho ka kase nag-deep dive ka sa kanal kun'di ka ba naman hangal!" asik niya.
Hindi ito nagsalita pa pero pinukol siya ng masamang tingin.
Nagpo
