Naalimpungatan siya dahil sa ingay na naririnig niya. Pupungas-pungas siyang bumangon at ikinuskos ang daliri sa mga mata dahil medyo nanlalabo pa iyon. Nang lumiwanag ang tingin ay lumingon siya para lang makitang paroo't parito na ang apat at mga nakabihis na!
Bigla niyang kinapa ang cellphone sa bulsa ngunit nakapagpalit nga pala siya ng pajama. Tumayo siya upang hanapin sa kinahihigaan at nakita niya ang unti-unting paghulog niyon sa sahig kasama ng kumot niya. Alas singko pa lang ng umaga?! Pero bakit nagkakagulo na ang mga ito at pati mga luggage ay hila-hila na palabas ng mga kuwarto?
"What the hell is happening here?" Kunot-noong tanong niya. "Your flight is at two in the afternoon"
"I changed our flight," sagot ni Louise sa kanya na hila-hila ang malaking luggage. "We w
