"Baby…" mahinang tawag ni James sa natutulog na si Chloe.
Katatawag lang kasi sa kaniya ni Alex na hindi raw in-admit si Jessa sa ospital hangga't hindi ito nakapagbibigay ng paunang bayad.
Hirap na hirap na raw kasi ang asawa nitong si Jessa kaya naman kahit alanganing oras na raw ay napilitan itong tawagan sila.
"Baby, manganganak na raw si Jessa," ulit niyang sabi rito na sinabayan niya na rin ng mahinang pagtapik.
Alam niyang pagod ito subalit kailangan nitong malaman ang tungkol sa kalagayan ni Jessa.
"Baby, Jessa, and Alex need our help!" aniya kay Chloe para magising na ito.
"Why? What happened?"
"Namimilipit na raw si Jessa sa sakit pero hindi pa rin sila pinapapasok sa loob ng ospital dahil hinihingian daw sila ng down payment!"
May pambayad naman daw si Alex kaya lang
