Nakauwi na si Chloe galing sa ospital pero hanggang ngayon ay nanghihina pa rin si James.
Namumutla pa rin ito kaya naman hindi maiwasan ni Chloe na hindi mag-alala sa asawa niya.
"James, matulog ka na. Nandiyan naman sina Yaya Lucy, Troy at Kuya Brent na puwedeng mag-alaga sa akin, eh. Sige na, matulog ka na muna," pamimilit niya rito.
Umiling-iling ito. "Saka na ako matutulog kapag tulog na kayong dalawa ni JM. Mamaya may kailanganin ka pa, eh."
Itinuro niya ang espasyo sa bahaging likuran ng kama kung saan siya nakahiga. "Humiga ka rito sa tabi ko para kung sakaling may kakailanganin ako ay madali kitang magigising. Hindi mo naman kailangang bantayan kami sa maghapon at magdamag, eh."
Ang gusto kasi ng asawa niya ay ito raw mismo ang personal na mag-alaga sa kaniya at hindi ang ku
