AELA'S POV:
Pakiramdam ko ay binunot ang puso ko sa dibdib ko nang biglang tinaas ni Stefano ang baril sa mismong mata ni Alessandro at pinutok iyon. Hindi manlang niya pinatapos ang pagbilang ng nagsasalita sa speaker.
"Jusko!" parang lantang gulay na sabi ko at napasandal sa upuan ko nang walang bala na lumabas mula sa baril na pinutok ni Stefano.
"This guy is crazy," mahinang bulong ni Blake sa sarili niya.
Umawang ang labi ko nang tinitigan ko ang itsura ni Alessandro at napansin na hindi manlang siya kumurap o napapikit nang pinutok ni Stefano ang baril sa mismong harap niya. Ni hindi nga makikitaan ng emosyon ang itsura niya. Kinilabutan ako nang ngumisi si Alessandro at tinaas ang baril sa mata ni Stefano. Alam kong masama pero abot langit ang panalangin ko na sana ay mapunta
