Tahimik na bumabalot sa corridor nang biglang lumitaw ang isang nilalang mula sa anino—itim ang balabal, malamlam ang mga mata, at ang presensya’y punong-puno ng dilim. Isa itong messenger ng Hari ng mga Dark Vampire, si Malphas.
Huminto sila Khyro at ang tatlo, agad na nagtaas ng depensa si Lucien, Caelum, at Alaric. Ngunit hindi man lang natinag ang messenger; bagkus, ngumisi ito at naglabas ng itim na pergamino na tila umuusok sa dilim.
“Khyro,” basag nitong boses na parang sabayang alingawngaw ng daan-daang kaluluwa, “hawak na ng aming Hari si Laxriel. Kung nais mong makita siyang buhay, ikaw lamang ang darating. Wala kang isasama. Kapag sumuway ka… ang buhay niya ang kabayaran.”
Natigilan ang lahat. Parang tumigil ang oras.
Si Serene, na noon ay pinipigilan ang kaba, biglang napah
