"GOV, nandito na tayo."
Nagmulat ng mga mata si Alexis ng marinig niya ang boses na iyon ni Francis. At nang tumingin siya sa kanyang gilid ay do'n niya napansin na nasa mansion na pala siya ng mga magulang.
Naroon siya ng sandaling iyon dahil pinatawag siya ng ama. May importante daw silang pag-uusapan at may kinalaman iyon sa darating na eleksiyon.
Umayos siya mula sa pagkakaupo niya sa backseat.
Lumabas naman si Francis mula sa driver seat at humakbang ito patungo sa gawi niya para pagbuksan siya nito ng pinto. "Thank you, Francis," wika niya dito nang tuluyan siyang makababa ng kotse.
Isang tango lang naman ang isinagot nito sa kanya. Humugot muna siya ng malalim na buntong-hininga bago siya humakbang papasok sa loob ng mansion.
"Good evening, Gov," bati sa kanya ng katulong
