GAYA ng pinangako ni Olivia kay Alexis ay dinalhan niya ito ng pagkaing na gusto nitong kainin. Nagising nga siya ng mas maaga para maluto niya ang sinigang na paborito din nito. At talagang extra special ang niluto niya dahil si Alexis ang kakain.
At nang makitang tatlumpong minuto na lang bago mag-alas dose ng tanghali ay dinampot niya ang cellphone para padalhan ng text message si Alexis.
Huwag ka na magpa-order ng pagkain. Nagluto ako at dinagdagan ko na.
Nang ma-type niya iyon ay agad niya iyong pinadala sa lalaki. Baka mamaya kasi ay utusan nito ang bodyguard nito na magpabili ng pagkain.
Kagat-kagat naman ni Olivia ang ibabang labi habang hihintay niya ang reply nito sa kanya.
Hindi naman niya napigilan ang pagsilay ng ngiti sa kanyang labi ng makatanggap agad siya ng repl
