Paggising ni Gerald ay tuwang-tuwa siya na makita si Lily na nandoon pa rin sa kama at mahimbing na natutulog. Hindi pala panaginip ang lahat, buti na lang talaga.
Natutuwa siya dahil totoo pala na kung para sa iyo ang isang bagay ay para sa iyo iyon kahit gaano man kabigat ang pagdaanan babalik at babalik iyon sa iyo.
Oo, si Lily lang naman ang minahal niyang talaga. Sinubukan niya si Hasmin noon pero hindi naman umubra dahil si Lily pa din ang nasa puso niya.
Tumikim man siya ng iba't ibang babae sa nagdaan na tatlong taon, ni isa doon ay walang tumubong pag-ibig. Puro libog lang ang nangyari. Para nga siguro siya kay Lily.
Lumapit na siya kay Lily at tiningnan niya ang maamo nitong mukha pagkatapos ay kinumutan niya ang dalaga dahil lamig na lamig ito sa aircon.
Nanatili siya doon
