Hindi nagtagal ay naging matagumpay ang isinagawang operasyon kay Cathy. Kaya nang lumabas ang doktor mula sa loob ng ER ay halos mag-unahan sina Ismael para lang makalapit sa kanya.
"K-Kamusta ang manugang ko, doktor?" kinakabahang tanong ni Victoria sa doktor, "N-Naging maayos po ba ang operasyon niya?"
Saglit na pinasadahan muna sila ng tingin ng doktor bago itinango ang kanyang ulo. "Yes po. Naging matatag po si Mrs. Alcazar at nalampasan niya po ang isinagawa naming operasyon sa kanya. Ganoon na rin po ang mga baby na dinadala niya. Lahat po sila ay nasa mabuting lagay na," pagbibigay alam naman ng doktor, "Sa ngayon po ay ililipat namin siya sa isang private room for her quick recovery."
Sa kanilang narinig ay masayang nagyakapan sina Victoria at Teresa. Masaya sila na naging ligt
