Lumipas ang halos apat na buwan...
Bahagyang natawa ako nang makita na kabadong kabado na itsura ni Ismael habang nakatingin sa pintuan ng ospital. Ngayon araw kasi ay naka-appointment ako para sa isang full body check up at isang ultrasound. Ibig sabihin sa araw din na ito malalaman naming dalawa ang gender ng aming baby.
"Ismael, uy ayos ka lang ba riyan? Na-estatwa ka na yata. Galaw galaw!" tumatawang tanong ko at inalog bahagya ang balikat ni Ismael para gisingin ito mula sa pagkatulala.
Tila natauhan naman ang asawa ko saka umayos ng pagkakaupo. "O-Okay l-lang a-ako," utal na sagot pa niya at umaktong kalmado pa, "Ah teka lang pala..."
Doon ay nagmamadaling bumababa siya ng kotse at umikot papunta sa pintuan sa tabi ko. At hindi nagtagal ay pinagbuksan niya ako ng pinto saka magi
