PARANG pinagsakluban ng langit at lupa si Luke na mag-isang naiwan ng conference room. Kanina pa natapos ang meeting nila pero nakalutang pa rin ito. Hindi pa rin mag-sink-in sa utak nito ang mga nangyari.
“What should I do? Hindi pwedeng mawala sa amin ang kumpanya. Dugo’t pawis ang pinuhunan ni Daddy para mapalago ito at makilala.” Usal nito na nakasapo sa ulo.
Hindi naman niya basta-basta mababawi ang shares na hawak ni Chelsea dahil wala itong sapat na pera para bilhin ang nasa 50% na shares nito!
Napapikit ito na hinihilot ang sentido. Para na itong mapuputukan ng ugat sa sentido sa mga nangyayari. Hindi niya kayang sabihin sa pamilya niya ang nangyari sa kumpanya at baka atakehin sa puso ang Daddy nito. May katandaan na rin ang mga magulang niya kaya nag-aalala ito kapag malaman
