◄Aaron's POV►
Ngayon ang araw ng kasal namin ng asawa ko. Nandito ako ngayon sa condo ko at kasama ko ang mga kaibigan ko. Mabilis na kumakabog ang puso ko, pakiramdam ko nga ay nauubusan na ako ng hininga. Ganito pala talaga ang pakiramdam kapag ang pakakasalan mo ay ang babaeng itinitibok ng iyong puso, sobrang nakakasabik. Nuong unang pinakasalan ko si Natalie ay wala akong naramdamang damdamin na katulad nito. Ngayon ay kulang na lang ay magpunta na agad ako sa simbahan, pero masyado pa namang maaga. May ilang oras pa para makapag-handa at mauna sa simbahan kasama ang mga kaibigan ko.
"Pang-ilang baso mo na ba 'yan?" tanong ni Brandon. Napatingin tuloy ako sa hawak kong baso na may lamang alak. "Pang apat na niya 'yan," pakli ni Jericho kaya natawa ako. Tinitigan ko pa ang baso ko at
