"Nay!" Kusang lumabas sa aking mga labi ang matatamis na ngiti nang makita kung gaano kaganda si Angelique sa kanyang suot na traje de boda. Tuluyan na akong pumasok sa silid kung saan siya inaayusan ng mga staff ni Jane. Bakas sa mukha ng aking prinsesa ang saya, dahan-dahan akong naglakad patungo sa kanyang kinatatayuan habang isa-isag nagpaalam ang glam team.
"Ang ganda mo anak" naluluha kong sambit habang masuyo siyang tinititigan, isang mahigpit na yakap naman ang sinagot niya sa akin. Pinaghalong saya at lungkot ang aking nararamdaman sa mga oras na ito. Hindi ko akalaing sa edad na dalawampu ay magpapakasal ang aking prinsesa, aaminin ko, noong una ay nais kong tumutol sa kaniyang desisyon, ngunit matapos kong balikan ang mga napagdaanang hirap at sakit ng aking anak, hindi ko nai
