“Kawawa naman, pagod na pagod yata. Kaya't mabilis nalasing,” sabi ni Daddy na sa palagay ko, tama ito.
Dahil hindi ako makatulog, lumabas akong muli ng silid. Doon ko parang nakita si Lorna, naglalakad patungo sa dulo ng pasilyo, ang kanyang mga galaw ay nag-aalinlangan at mabagal. Kumurap ako, inaasahan na mawawala ang imahe, dahil baka dinadaya lang ako ng aking paningin, pero mukhang nasa wisyo pa naman ako.
Sinundan ko itong muli, tahimik ang aking mga hakbang sa karpet at iniiwasan ko na gumawa ng ingay. Nakarating ito sa isang pinto, ang kanyang kamay ay umabot sa seradora. Habang isasara na nito, inilagay ko ang aking braso sa frame ng pinto.
“K—Kuya William,” mahina na tawag nito sa akin.
“Anong ginagawa mo dito?” tanong ko sa aking pinsan na nag kagat-labi lang. “Sumilip l
