Ang sabi ni Fergus ay sikat daw ang dalawa at talagang malakas ang tandem. Nagulat pa ako ng umikot sa buong ring ang dalawa. Nang dumaan sila sa amin ay nahigit ko ang pag hinga ko ng huminto ang mga ito sa harapan namin.
Medyo nakaramdam ako ng takot dahil nakakatakot ang mukha ng matangkad na lalaking maitim. Nakaupo ako sa chair at si Fergus lang ang nakatayo na tuwang tuwa dahil nalapitan ng mga sikat.
Kiming ngiti lamang ang ibinigay ko ng dumukwang ang dalawang matanda sa akin at nakipag shake hands. Mabuti at umalis din sila agad sa harap namin dahil malapit ng mauwi sa ngiwi ang ngiti ko.
Hindi ko alam kung ganoon ba talaga ang gawain ng mga wrestlers? Pero halos lahat kasi ng pumasok sa match na iyon ay humihinto sa gawi namin. May iba na sumasaludo, ang iba ay nakipag ngitian
