Kennedy
Nakipagkita ulit ako kay Friam para mapag-usapan ulit namin ang tungkol kay Tito at Lolo.
“Naging pribado na sa publiko ang pamilya ng Tito mo pag-alis niyo. Wala naring nakakapasok sa mansyon niyo ng basta-basta kaya mahihirapan tayong mahanapan ng butas ang Tito mo. Lalo na’t wala akong balita sa lolo mo. Tatlong taon na mula noong huling balita tungkol sa Lolo mo.”
“Anong ibig mong sabihin?”tanong ko. Nagpakawala naman ng malalim na hininga si Friam.
“Tatlong taon ng hindi lumalabas sa mansyon niyo ang Lolo mo.”
Nagulat naman ako sa narinig ko. “Kahit isang beses lang? Imposible naman ‘yang sinasabi mo. Baka nasa ibang bansa siya-“
“Ito ang totoo Faith. Ang Tito mo na ang humahawak sa kumpanya niyo at sa lahat ng ari-arian ng pamilya niyo. Kaya napapa-isip na ako kung may
