Eros' P.O.V.
"Roger," sabi ko at mas binilisan namin ang pagtakbo.
"GRAAA!"
Lumakas ang sigawan ng mga zombies na humahabol sa amin ngayon. Nilingon ko sila at nanlaki ang aking mata nang makitang puno ng zombie ang aming likuran at mukhang galit na galit ang mga ito sa amin. Tumutulo pa ang laway ng iba habang ang iba ay may mga sugat sa katawan at tumutulo ang mga dugo nila papunta sa sahig. Lahat sila ay nakatingin sa amin ngayon nila Royce at Jay. Parang hindi napapagod ang mga ito at mukhang gustong gusto talaga nila kami kainin.
Napangiwi na lang ako at binalik na ang tuon sa dinadaanan namin nila Jay at Royce. Napatingin ako sa pintuan sa gilid ko at nakita ang sign na Room 02. Tatlong room pa ang dadaanan namin. Malawak at malaki ang bawat room kaya magkakalayo ang mga pintu
