Chapter 22
Maganda ang gising ni Monina dahil first day niya ngayon sa hotel bilang supervisor. Kailangan niyang pumasok ng maaga dahil tuturuan pa siya ni miss Agatha sa mga dapat niyang matutunan as supervisor.
“Anak, nakahanda na ang agahan,” saad ng kanyang nanay na bahagyang sumilip sa kanyang silid. Maganda ang mga ngiti nito at bagong paligo.
“Mukhang maganda ang gising natin ngayon, ah!” aniyang painot-inot na bumangon.
“Anak naman! Huwag mo nga akong binibiro ng ganyan,” namumula nitong sabi. Tuluyan na itong pumasok sa loob ng kuwarto. Natawa na lang siya sa nakikitang itsura nito. Mukhang bumata na ito ngayon sa paningin niya dahil sa bago nitong gupit at kulay ng buhok. Golden brown na pinaiksi hanggang leeg kamukha na nito ngayon si Lorna Tolentino ngunit ang mga mata ay p
