Ngiting totoo ang ginawad ni Sabel sa mga ibang bisita dahil kilala ng mga ito ang namayapa niyang ama kaya't natutuwa siya dahil sa mga papuri nila. Pagkatapos ng party ay nagpasya siyang mag-isa kaya hindi na siya inabala pa ni Joaquin at ipagpilitan ang gusto nitong sa iisang kwarto sila matutulog.
KINAUMAGAHAN maagang nagising si Sabel at pagkatungo niya ng kusina ay nakabungad na sa kanya ang mga nakakatakam na pagkain. Walang gana niyang binuksan ang ref at kumuha ng tinapay bago nagtimpla ng kape. Wala siyang balak kumain at bahala na ang mga inihanda sa harap niya, ngunit isang maliit na kulay berdeng papel ang nakadikit sa bulaklak sa ibabaw ng mesa kaya kinuha niya iyon bago binasa.
Umarko ng bahagya ang kabilang kilay niya ng mabasa iyon.
Galing kay Joaquin ang sulat kaya nak
