Sa totoo lang, hilo na si Carmen kung saan nga ba talaga ang opisina ni Tristan. Sabagay, ang dami niyang kumpanya, bulong niya sa sarili habang napapailing.
Pagpasok niya sa lobby, agad siyang sinalubong ng malamig na hangin mula sa aircon. Nilapitan niya ang receptionist at maingat na nagtanong, “Miss, pwede po bang malaman kung saan ang office ni Mr. Tristan?”
"10th floor po, Ma'am."
Ano ba 'yan, nakakalula naman, inis na bulong niya.
Pagdating niya sa elevator, pinindot niya ang 10. Napansin niyang parang lahat ng tao sa loob, nakatingin sa kanya may nagbubulungan pa.
"Swerte niya raw, pero mukha lang probinsiyana," narinig niyang sabi ng isa.
Napaismid si Carmen. Eh di kayo na ang magaganda. Pero hindi rin niya napigilang mapatingin sa mga babae sa elevator. Ang gaganda nga nama
