CHAPTER 56
Erris' POV
"Kuyaaaaa!"
Napamulat ako nang biglang may malakas na sumigaw. Babae. Umiiyak.
May umuungol na tunog halimaw.
At kakaibang ihip ng hangin..
Pakiramdam ko para akong isang kandila na nauupos. Malabo ang paningin ko. Sobrang sakit ang nararamdaman ko sa buo kong katawan.
Masakit na parang kapag tumagal pa mas piliin ko nalang na mamatay nang hindi ko na 'to maramdaman.
Nakahiga ako sa malamig na lupa. Madilim ang langit, puno ng itim na usok ang paligid na parang bumubulong sa'kin na panganib lang ang makikita sa lugar na 'to.
Nanginginig ang kamay ko na itinapat ito sa aking mga malalaking sugat.
Pasalamat ako at buhay pa ako. Pero sobrang hinang-hina ako na parang kahit magsalita ay hindi ko magawa.
Umilaw ng dahan-dahan ang palad ko at mabagal na hinihilom
