Chapter 23
Mabigat ang talukap ng mga mata ko, naninikip din ang dibdib ko at tila hindi ako makahinga ng maayos. Gusto kong dumilat, gusto kong huminga pero hindi ko maintindihan kung bakit parang unti unti akong nauupos at nanghihina.
Labag man sa loob ko ay buong loob kong iminulat ang mga mata ko. Sumalubong sa akin iyong puting kisame na lalong sumasakal sa puso ko at tanda na hindi panaginip ang lahat.
"Y-Yuri.."
Isang mapait na ngiti at nag aalalang mga tingin ni kuya Jacob ang bumungad sa akin. Marahan din niyang hinaplos ang pisngi ko at kahit kita ko sa mga mata nito ang sagot na gusto kong marinig ay nakikiusap pa rin akong napatitig sa mga mata niya.
"I-It's gone.."
Hirap nitong untag sa akin na siyang tuluyang nag pasikip sa dibdib ko, hindi ako makahinga at para bang w
