Attracted
“Ma’am, tissue po…”
Nilaharan ako ng taxi driver ng tissue habang nagmamaneho. Hindi ko maiwasan ang mahiya dahil nasaksihan niya ang aking paghikbi.
Nakayuko kong tinanggap ang tissue at pinunasan ang mga luha sa aking mata.
“Ma’am, makakahanap ka rin po ng iba,” ani ng taxi driver. “Mga walang kuwenta talaga mga ibang lalaki. Mabuti na lang at ako ang pinili ng Misis ko kahit taxi driver lang ako.”
Umawang ang labi ko at nag-angat ng tingin sa taxi driver. Ngayon ko lang napansin na nakangiti siya.
“Marangal naman na trabaho ang pagiging taxi driver, Manong…” Suminghot ako. “Hindi lang, “lang” ‘yon.”
“Alam mo kasi, Ma’am, sa panahon ko kasi, mas pipiliin ng ibang babae ang may kaya. Hindi naman lahat pero naranasan ko na ‘yon dati. Pogi lang kasi meron ako, Ma’am, per
