Help
“Ang tahimik mo ngayon, ah,” sambit ni Jessica sabay hipo sa noo ko. “Okay ka lang?”
Mahina akong tumango at in-off ang stove.
“Pansin ko na wala ‘yong asawa mo. Ilang araw na. May nangyari ba?” nag-aalalang tanong niya. “Ikaw na rin sumusundo sa anak mo.”
Bumuntong-hininga ako. “M-May nangyari kasi…Namatay ang Daddy ni Harry.”
Umawang ang labi ni Jessica. “Kaya naman pala. Sorry…”
Ngumiti ako ng tipid. “Okay lang.”
Naging normal naman ang trabaho ko. Hindi rin ako masyadong napagod dahil may bagong hired na cook. Natagalan lang ako sa pag-uwi dahil bigla akong binisita ni Oliver.
“Oh, glow down yata ang nakikita ko,” pabirong sambit ko nang makita ko ang stress na mukha ni Oliver. Hinihingal siya at ang kanyang kamay ay nakatuko sa kanyang tuhod. “Hinihingal ka yata, saan k
